ຄຳຖາມ ແລະ ຄຳຕອບ ທີ່ມັກພົບໃນການຊຳລະອາກອນ

ລ/ດ	ຄຳຖາມ	ຄຳຕອບ
1	ປະຈຸບັນລະບົບ Taxris (ລະບົບຄຸ້ມຄອງການແຈ້ງມອບອາກອນ) ນໍາໃຊ້ໄດ້ຈັກແຂວງແລ້ວ	ທົ່ວປະເທດ (18 ແຂວງ).
2	ລະບົບ EasyTax ແມ່ນຫຍັງ?	ລະບົບຊຳລະອາກອນ ຜ່ານຊ່ອງທາງຕ່າງໆຂອງທະນາຄານ.
3	ການແຈ້ງອາກອນໃນປະຈຸບັນ ມີຈັກຊ່ອງທາງ ?	2 ຊ່ອງທາງ ຄື: ຜ່ານປ່ອງບໍລິການສ່ວຍສາອາກອນ ແລະຜ່ານ ເອເລັກໂຕນິກ (Tax online).
4	ຖ້າແຈ້ງມອບອາກອນຊັກຊ້າ ຈະເປັນມີການປັບໃຫມບໍ?	ປັບໃຫມຕາມ ກົດຫມາຍສ່ວຍສາອາກອນກຳນົດໄວ້ ໄປຕາມແຕ່ລະກໍລະນີ
5	ການຊຳລະອາກອນໃນປະຈຸບັນມີຈັກຊ່ອງທາງ?	3 ຊ່ອງທາງ ຄື: ຜ່ານຄັງເງິນແຫ່ງຊາດ, ຜ່ານທະນາຄານ ແລະຜ່ານ ເອເລັກໂຕນິກ (EasyTax).
6	ການຊໍຳລະອາກອນຜ່ານລະບົບທະນາຄານ ມີຈັກຊ່ອງທາງ?	5 ຊ່ອງທາງຄື: ຜ່ານປ່ອງບໍລິການ, Mobile Banking, Internet Banking, ATM ແລະ SMS.
7	ປະຈຸບັນ ມີຈັກທະນາຄານ ທີ່ສາມາດຊຳລະອາກອນໄດ້?	5 ທະນາຄານຄື ທະນາຄານການຄ້າຕ່າງປະເທດລາວ, ທະນາຄານພັດທະນາລາວ, ທະນາຄານສົ່ງເສີມກະສິກຳ, ທະນາຄານ ຮ່ວມທຸລະກິດລາວຫວຽດ ແລະ ທະນາຄານຫວຽດຕິນ.
8	ປະຈຸບັນ ສາມາດແຈ້ງ ແລະຊຳລະອາກອນໄດ້ 24 ຊົ່ວໂມງ ບໍ່ເວັ້ນວັນຢຸດ ຫລືວັນພັກລັດຖະການ?	ແມ່ນ.
9	ສາມາດແຈ້ງມອບອາກອນ ຢູ່ຫ້ອງການອາກອນຂອງແຂວງອື່ນໄດ້ບໍ?	ສາມາດແຈ້ງໄດ້ ແຕ່ຕ້ອງມອບເຂົ້າບັນຊີລາຍຮັບຂອງແຂວງທີ່ ບໍລິສັດຂື້ນທະບຽນນຳ.
10	ທ່ານສາມາດຂໍລະຫັດຜ່ານ ເພື່ອແຈ້ງອາກອນດ້ວຍຕົນເອງ ວິທີໃດ?	2 ວິທີ ເຮັດໃບສະຫມັກນຳໃຊ້ ແລະ ສະຫມັກຜ່ານເວັບໄຊ ຜ່ານ http://taxservice.mof.gov.la.
11	ໃນກໍລະນີ ບໍລິສັດຖືກຍົກເວັ້ນອາກອນ ຈະໄດ້ແຈ້ງອາກອນເປັນປົກກະຕິບໍ?	ຕ້ອງແຈ້ງເປັນປົກກະຕິ ຕາມລະບຽບກົດຫມາຍ.