ຄຳຖາມ ແລະ ຄຳຕອບ ທີ່ມັກພົບໃນການອະນຸຍາດປຸກສ້າງ

ລ/ດ	ຄຳຖາມ	ຄຳຕອບ
1	ຈະຊອກຮູ້ ຫຼື ດາວໂຫລດ ເອກະສານກ່ຽວກັບການປຸກສ້າງໄດ້ຈາກໃສ?	ຈາກເວັບໄຊທ໌ www.mpwt.gov.la ຫຼື ພະແນກ ຍທຂ ແຂວງ ຫລື ຫ້ອງການ ຍທຂ ເມືອງ
2	ເອກະສານຂໍອະນຸຍາດປຸກສ້າງມີຫຍັງແດ່?	ໃບສະເໜີ, ໃບ ສຳເນົາສຳມະໂນຄົວ ຫລື ໃບຢັ້ງຢືນທີ່ຢູ່ (ອາຍຸບໍ່ເກີນສາມເດືອນ), ສຳເນົາໃບກຳມະສິດທີ່ດິນ ບ່ອນປຸກສ້າງ, ບົດບັນທຶກການເຫັນດີ ຕໍ່ກັບແບບປຸກສ້າງ ຂອງ ຕອນດິນຂ້າງຄຽງ, ຊຸດແຜນຜັງ, ແລະ ຖ້າຈຳເປັນ ໃບຢັ້ງຢືນສະພາບແວດລ້ອມ,ໃບຢັ້ງຢືນອາຄານຄວບຄຸມ ຫລື ຄຸ້ມຄອງມໍລະດົກ.
3	ຍື່ນເອກະສານປຸກສ້າງຢູ່ໃສ?	ຫ້ອງການປະຕູດຽວ ຂອງ ເມືອງ ຫຼື ພະແນກໂຍທາທິການ ແລະ ຂົນສົ່ງ ປະຈຳແຂວງ.
4	ການຈັດຕັ້ງໃດ ອອກອະນຸຍາດປຸກສ້າງ?	ຫ້ອງການ ຍທຂ ເມືອງ ອອກອະນຸຍາດ ສິ່ງປຸກສ້າງ ເນື້ອທີ່ ບໍ່ເກີນ 400 ຕາເມັດ ແລະ ຄວາມສູງຂອງສິ່ງປຸກສ້າງ ບໍ່ເກີນ 10 ເເມັດ, ກໍລະນີອື່ນ ແມ່ນພະແນກ ຍທຂ ເປັນຜູ້ອອກອະນຸມັດ.
5	ການອອກອະນຸຍາດປຸກສ້າງໃຊ້ເວລາເທົ່າໃດ?	ບໍ່ເກີນ 30 ວັນລັດຖະການ ນັບຈາກມື້ຍື່ນ.