ໃນວັນທີ 15 ກຸມພາ 2021, ກົມສົ່ງເສີມການລົງທຶນ ກະຊວງ ແຜນການ ແລະ ການລົງທຶນ ໄດ້ຈັດກອງປະຊຸມສະຫຼຸບຄໍາເຫັນຂອງກຸ່ມທະນາຄານໂລກຕໍ່ບົດລາຍງານການປັບປຸງ ( Updated Reform Memo) ແລະ ທົບທວນການຈັດຕັ້ງປະຕິບັດແຜນດໍາເນີນງານ 2020-2022 ທີ່ຕິດພັນກັບວຽກງານການປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດ ຢູ່ ສປປ ລາວ ຕາມຄໍາສັ່ງເລກທີ 02/ນຍ ໂດຍການເປັນປະທານຂອງ ທ່ານ ອຸຕະແກ້ວ ແກ້ວດວງສິນ, ຫົວໜ້າກົມສົ່ງເສີມການລົງທຶນ, ກະຊວງ ແຜນການ ແລະ ການລົງທຶນ ແລະ ມີຜູ້ເຂົ້າຮ່ວມຈາກຂະແໜງການຮັບຜິດຊອບປັບປຸງຕົວຊີ້ວັດ, ຄູ່ຮ່ວມພັດທະນາສາກົນ ແລະ ພາກສ່ວນອື່ນໆທີ່ກ່ຽວຂ້ອງ ໂດຍສະເພາະແມ່ນຂະແໜງການຂັ້ນນະຄອນຫຼວງ. ຈຸດປະສົງ ຂອງກອງປະຊຸມແມ່ນເພື່ອຄົ້ນຄວ້າ ແລະ ຈັດລຽງບຸລິມະສິດບັນດາກິດຈະກໍາໃນແຜນດໍາເນີນງານຄືນໃໝ່ ໂດຍເລັ່ງໃສ່ຈັດຕັ້ງປະຕິບັດແກ້ໄຂຂໍ້ຄົງຄ້າງໃຫ້ສາມາດປັບປຸງຄະແນນ ແລະ ອັນດັບລວມ ຂອງ ສປປ ລາວ ໃນບົດລາຍງານປີ 2022. ອີງຕາມໜັງສືແຈ້ງຕອບ ລົງວັນທີ 17 Continue Reading
ໃນລະຫວ່າງ ວັນທີ 16-18 ທັນວາ 2020 ສານປະຊາຊົນສູງສຸດ ໄດ້ຈັດກອງປະຊຸມຄົ້ນຄວ້າເນື້ອໃນໃສ່ຮ່າງແບບພີມ ແລະ ຈຳນວນແບບພີມຂອງສານ ທີ່ຕິດພັນກັບກົດໝາຍວ່າ ດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດ ຕາມຄຳສັ່ງເລກທີ 02/ນຍ, ລົງວັນທີ 01 ກຸມພາ 2018 ຂອງນາຍົກລັດຖະມົນຕີ ວ່າດ້ວຍການປັບປຸງບັນດາລະບຽບ ການ ແລະ ກົນໄກການປະສານງານໃນການດຳເນີນທຸລະກິດຢູ່ ສປປ ລາວ. ຊຶ່ງປະກອບມີຄະນະຮັບຜິດຊອບ ແລະ ພາກສ່ວນອື່ນເຊັ່ນ: ຜູ້ພິພາກສາຈາກສານປະຊາຊົນສູງສຸດ, ຜູ້ພິພາກສາຈາກສານປະຊາຊົນພາກກາງ, ຜູ້ພິພາກສາຈາກສານປະຊາຊົນນະຄອນຫຼວງວຽງຈັນ, ຜູ້ຕາງໜ້າຈາກກະຊວງ ຍຸຕິທຳ ແລະ ຜູ້ຕາງໜ້າຈາກກະຊວງ ແຜນການ ແລະ ການລົງທຶນ. ໃຫ້ກຽດການເປັນປະທານໂດຍ ທ່ານ ບຸນຂວາງ ທະວີສັກ ຮອງປະທານສານປະຊາຊົນສູງສຸດ ໄດ້ກ່າວເປີດກອງປະຊຸມຄົ້ນຄວ້າເນື້ອໃນໃສ່ຮ່າງແບບພີມ ແລະ ຈຳນວນແບບພີມຂອງສານ ທີ່ຕິດພັນກັບກົດໝາຍວ່າດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດ, ຈຸດປະສົງຂອງກອງປະຊຸມແມ່ນ ສືບຕໍ່ຄົ້ນຄວ້າເນື້ອໃນໃສ່ຮ່າງແບບພີມເພື່ອກະກຽມ ແລະ ສ້າງຄວາມພ້ອມ ທັງໃນດ້ານລະບຽບກົດໝາຍ Continue Reading
ວັນທີ 12 ພະຈິກ 2020, ກົມສົ່ງເສີມການລົງທຶນ ກະຊວງ ແຜນການ ແລະ ການລົງທຶນ ໄດ້ຈັດກອງປະຊຸມເຜີຍແຜ່ຄວາມຄືບໜ້າໃນການຈັດຕັ້ງປະຕິບັດ ຄໍາສັງເລກທີ 02/ນຍ ວ່າດ້ວຍການປັບປຸງບັນດາລະບຽບການ, ກົນໄກປະສານງານ ໃນການດໍາເນີນທຸລະກິດ ຢູ່ ສປປ ລາວ ແລະ ແຜນດໍາເນີນງານ 2020-2022 ທີ່ຕິດພັນກັບການປັບປຸງບັນດາລະບຽບການ ແລະ ກົນໄກປະສານງານໃນການ ດຳເນີນທຸລະກິດ ຢູ່ ສປປ ລາວ ຢູ່ເມືອງປາກເຊ ແຂວງຈໍາປາສັກ. ໃຫ້ກຽດເປັນປະທານ ໂດຍ ທ່ານ ປອ. ພອນໄຊ ວິໄລສັກ, ຮອງຫົວໜ້າກົມສົ່ງເສີມການລົງທຶນ, ກະຊວງ ແຜນການ ແລະ ການລົງທຶນ ກ່າວເປີດກອງປະຊຸມ. ຈຸດປະສົງ ຂອງກອງປະຊຸມແມ່ນເຜີຍແຜ່ຄວາມຄືບໜ້າໃຫ້ແກ່ພາກທຸລະກິດ ແລະ ຂະແໜງທີ່ກ່ຽວຂ້ອງຂັ້ນແຂວງ ກ່ຽວກັບການປັບປຸງນິຕິກໍາ, ລະບຽບການທີ່ໄດ້ປັບປຸງແລ້ວໃນໄລຍະ 1 ປີຜ່ານມາ ແລະ ແຜນດໍາເນີນງານ 2020-2022 ທີ່ບັນດາເຈົ້າກະຊວງໄດ້ຮັບຮອງແລ້ວ. ໃນໄລຍະທີ່ຜ່ານມາ Continue Reading
ກອງປະຊຸມປຶກສາຫາລືຮ່າງບົດລາຍງານແຜນການປະຕິຮູບການລົງທຶນຢູ່ ສປປ ລາວ (Investment Reform Map “IRM” Report) ຈັດຂຶ້ນວັນທີ 16 ພຶດສະພາ 2019 ທີ່ໂຮງແຮມແລນມາກ ໂດຍເປັນປະທານຂອງ ທ່ານນາງ ຄຳຈັນ ວົງແສງບູນ ຮອງລັດຖະມົນຕີກະຊວງແຜນການ ແລະ ການລົງທຶນ (ຜທ) ມີບັນດາກົມ ພະແນກການ ວິຊາການ ຊ່ຽວຊານອາວຸໂສພາກເອກະຊົນ ຊ່ຽວຊານນະໂຍບາຍການລົງທຶນກຸ່ມທະນາຄານໂລກ (WB) ແລະ ພາກສ່ວນກ່ຽວຂ້ອງເຂົ້າ ຮ່ວມ. ທ່ານນາງ ຄຳຈັນ ວົງແສງບູນ ກ່າວວ່າ: ກອງປະຊຸມຄັ້ງນີ້ ຈັດຂຶ້ນເປັນຄັ້ງທີ 2 ເພື່ອອຳນວຍຄວາມສະດວກ ແລະ ສົ່ງເສີມການລົງທຶນ ທັງພາຍໃນແລະຕ່າງປະເທດ ເຊິ່ງໄດ້ຮັບການຊ່ວຍເຫລືອດ້ານການສຶກສາຈາກກຸ່ມ WB ແຜນການປະຕິຮູບການລົງທຶນ (IRM) ແມ່ນກົນໄກທີ່ສຳຄັນສຳລັບການປຶກສາຫາລື ເພື່ອພັດທະນານະໂຍບາຍການລົງທຶນ ທີ່ຈຳເປັນ ເພື່ອດຶງດູດການລົງທຶນໂດຍກົງຈາກຕ່າງປະເທດ ສາມາດຊ່ວຍໃຫ້ປະເທດທີ່ຕ້ອງການພັດທະນາ ແລະ ດຶງດູດການລົງທຶນ ສະໜັບສະໜູນກະຊວງ ຜທ ແລະ Continue Reading
ເພື່ອເຮັດໃຫ້ການດໍາເນີນທຸລະກິດຢູ່ ສປປ ລາວ ມີຄວາມສະດວກງ່າຍດາຍຂື້ນ, ໃນວັນທີ 27 ກຸມພາ 2019, ກະຊວງແຜນການ ແລະ ການລົງທຶນໄດ້ຈັດກອງປະຊຸມປຶກສາຫາລືເພື່ອປັບປຸງນິຕິກໍາ ແລະ ລະບຽບການຕ່າງໆທີ່ຕິດພັນກັບຕົວຊີ້ວັດທີ 5: ການເຂົ້າເຖິງສິນເຊື່ອ ແລະ ຕົວຊີ້ວັດທີ 6: ການປົກປ້ອງຜູ້ລົງທຶນລາຍຍ່ອຍ. ຊຶ່ງກົດຫມາຍທີ່ເຫັນວ່າຈໍາເປັນຕ້ອງໄດ້ປັບປຸງບາງເນື້ອໃນມີຄື: ✅ ກົດຫມາຍວ່າດ້ວຍວິສາຫະກິດ ✅ ກົດຫມາຍວ່າດ້ວຍການດໍາເນີນຄະດີແພ່ງ ✅ ກົດຫມາຍວ່າດ້ວຍຄ່າທໍານຽມສານ ✅ ກົດຫມາຍວ່າດ້ວຍການລົ້ມລະລາຍຂອງວິສາຫະກິດ ✅ ກົດຫມາຍວ່າດ້ວຍການຄ້ໍາປະກັນການປະຕິບັດສັນຍາ ✅ ປະມວນກົດຫມາຍແພ່ງ
ກະຊວງແຜນການ ແລະ ການລົງທຶນໃນນາມເປັນຈຸດໃຈກາງໃນການປະສານງານກ່ຽວກັບການປັບປຸງບັນດາລະບຽບການ ແລະ ກົນໄກປະສານງານໃນການດຳເນີນທຸລະກິດຢູ່ ສປປ ລາວ ໄດ້ຈັດກອງປະຊຸມຜ່ານແຜນປະຕິບັດງານ (Action Plan) ເພື່ອສຶບຕໍ່ຄົ້ນຄວ້າລົງເລິກ ໃນການຕັດຂອດຂັ້ນ, ເວລາ ແລະ ການປັບປຸງນິຕິກໍາຕ່າງ ໃຫ້ມີຄວາມຊັດເຈນ, ສອດຄ່ອງກັບສະພາບຄວາມເປັນຈິງ ແລະ ເປັນຮູບປະທໍາຂື້ນກວ່າເກົ່າ ເພື່ອປັບປຸງສະພາບແວດລ້ອມໃນການດໍາເນີນທຸລະກິດຢູ່ ສປປ ລາວ
